ដួងព្រះចន្ទ័

ដួងព្រះចន្ទ័

            ព្រះចន្ទខាងខ្នើតរមែងចម្រើនដោយរស្មី មានពន្លឺខ្លាំងឡើងៗយ៉ាងណា
ជនប្រុសស្រីគប្បីញ៉ាំងរស្មីនៃជីវិតឲ្យចម្រើនដូចជាព្រះចន្ទខាងខ្នើតដែរពោល
គឺញ៉ាំងគុណធម៌ឲ្យមានការចម្រើនខ្ពស់ឡើងៗ ។

          ព្រះចន្ទជាអធិបតីលើពួកផ្កាយទាំងឡាយដោយពន្លឺរស្មីមកលើផែនដីយ៉ាងណា
បុគ្គលគប្បីប្រព្រឹត្តខ្លួនឲ្យជាអធិបតី គឺជាធំដោយឆន្ទាធិបតីជាដើម ប្រាថ្នានឹងកម្ចាត់បង់
នូវកិលេសដូច្នោះដែរ ។

         ព្រះចន្ទរមែងប្រាកដឲ្យឃើញក្នុងវេលារាត្រីថ្ងៃពេញបូណ៌មី
រាត្រីកាន់តែស្ងាត់ យប់កាន់តែជ្រៅ មេឃស្រលះ ពន្លឺរឹតតែច្បាស់ អាកាសធាតុត្រជាក់
សេចក្តីនេះយ៉ាងណាសមដូច ព្រះពុទឧទានថា៖

«សេចក្តីស្ងប់ស្ងាត់របស់អ្នកដែលត្រេកអរក្នុងទីស្ងាត់ ជាអ្នកមានធម៌បានស្តាប់
ហើយពិចារណា ឃើញនូវធម៌ នាំមកនូវសេចក្តីសុខកិរិយាមិនបៀតបៀនគឺ
កិរិយាសង្រួមចំពោះសត្វទាំងឡាយនាំមកនូវសេចក្តីសុខក្នុងលោក» ។

         មានព្រះពុទ្ធដីកាផ្សេងទៀត ព្រះអង្គទ្រង់ត្រាស់ថា៖
«បុគ្គលណាប្រមាទពីពេលមុន លុះដល់ក្រោយមកជា បុគ្គលមិនប្រមាទ បុគ្គលនោះ
រមែងញ៉ាំងលោកនេះឲ្យភ្លឺស្វាង ដូចព្រះចន្ទចេញផុតពីពពក»    ឬម៉្យាងទៀតថា
«បុគ្គលណាធ្វើបាបពីមុន លុះដល់ក្រោយមកជាអ្នកបិទនូវបាបនោះដោយកុសល បុគ្គលនោះរមែងញ៉ាំងលោកនេះឲ្យភ្លឺស្វាងដូចព្រះចន្ទចេញផុតពីពពក»
ដូច្នេះជាដើម ។
       
        ព្រះចន្ទមានរស្មីជាគ្រឿងលំអ អ្នកបួសទ្រង់ធម៌មានលម្អ ដោយសីល ។ ព្រះចន្ទញ៉ាំងជនទាំងឡាយឲ្យរីករាយសប្បាយក្នុងពន្លឺរស្មី រីឯជនប្រុសស្រីញ៉ាំងអ្នកដទៃ
ឲ្យត្រកអរនឹងការងាររបស់ខ្លួន ។

       ព្រះចន្ទបំភ្លឺមិនរើសដំបូលផ្ទះ ទោះបីភូមិស្រុកទីក្រុងជនបទ យ៉ាងណា អ្នកចម្រើនមេត្តា
រមែងផ្សាយមេត្តាទៅដោយមិនរើសសព្វសត្វ ក៏យ៉ាងដូច្នោះដែរ។

 

«សៀវភៅ ៤៨ ធម្មទស្សន៍»

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s