សារាណិយធម៌

សារាណិយធម៌ គឺធម៌ជាហេតុឱ្យនឹករលឹកដល់គ្នា មាន៦ប្រការគឺៈ

 

១- មេត្តាកាយកម្ម មានកាយកម្មប្រកបដោយមេត្តា គឺ

ប្រាថ្នាល្អដល់ក្រុមរួមការងាររួមពួកជន ក្នុងសង្គមតូចធំ ដោយការជួយកិច្ចធុរៈផ្សេងៗ

សម្តែងសេចក្តីពេញចិត្តដោយអាកប្បកិរិយា សុភាពមិនតូងតាង

និងគោរពរាប់អានគ្នាទាំងទីចំពោះមុខ ទាំងទីកំបាំងមុខ។

២- មេត្តាវចីកម្ម មានវចីកម្មប្រកបដោយមេត្តា

គឺប្រាប់នូវអ្វីដែលជាប្រយោជន៍ ណែនាំឬដាស់ តឿនដោយបំណងល្អ

ពោលវាចាដោយសុភាពរាបសាមិនរម៉ាំងរម៉ោក និងនិយាយដោយសេចក្តីគោរព

ឬសេចក្តីរាប់អាន ទាំងទីចំពោះមុខ និងទីកំបាំងមុខ។

៣- មេត្តាមនោកម្ម មានគំនិតប្រកបដោយមេត្តា

គឺតាំងចិត្តប្រាថ្នាល្អ គិតធ្វើអ្វីឱ្យជាប្រយោជន៍ ដល់គ្នានិងសម្លឹងមើលគ្នាក្នុងផ្លូវល្អដោយទឹកមុខស្រស់បស់។

៤- សាធារណភោគី ជាអ្នកបរិភោគដោយការចែករំលែក

គឺបែងចែកលាភដែលបានមកដោយធម៌ សូម្បីជារបស់បន្តិចបន្តួចក៏ធ្វើការចែកចាយ

ឱ្យបានដល់អ្នកដទៃបរិភោគផង ឬប្រើប្រាស់ផងជាទូទៅ។

៥- សីលសាមញ្ញតា ប្រព្រឹត្តឱ្យល្អដូចអ្នកដទៃ

គឺមានការប្រព្រឹត្តសុចរិតល្អប្រពៃ រក្សារបៀប វិន៍យក្នុងសង្គម

មិនធ្វើខ្លួនឱ្យជាទីរង្កៀស ឬ អន្តរាយនូវកេរ្តិ៍ឈ្មោះរបស់ពួកក្រុមឡើយ។

៦- ទិដ្ឋិសាមញ្ញតា មានការយល់ត្រូវដូចអ្នកដទៃដែរ

គឺមានការឃើញដោយប្រពៃរួមគ្នា យល់ព្រមជាមួយគ្នាក្នុងគោលការណ៌សំខាន់ៗ

កាន់យកនូវឧត្តមគតិ គោលគំនិតល្អៗរបស់ អ្នកដទៃមិនប្រកាន់នូវមានះដោយ

ធ្វើអ្វីតាមតែគំនិតរបស់ខ្លួនមិនស្តាប់ពាក្យអ្នកដទៃនោះឡើយ ហើយម៉្យាងទៀត

មាននូវសម្មាទិដ្ឋិដ៏ខ្ពង់ខ្ពស់ដែលជាទិសដៅដូចគ្នា ប្រព្រឹត្តទៅ

ដើម្បីផ្តាច់បង់នូវការយល់ខុសឱ្យអស់ពីក្នុងចិត្ត។

គោលការណ៍៦យ៉ាងនេះ ប្រព្រឹត្តទៅដើម្បីនឹករលឹករកគ្នា

ដើម្បីសង្គ្រោះគ្នា ជាធម៌ធ្វើនូវសេចក្តី ស្រឡាញ់រាប់អាន ធ្វើនូវសេចក្តីគោរព

និងដើម្បីមិនទាស់ទែង ដើម្បីសេចក្តីព្រមព្រៀង ដើម្បីភាពតែមូយ។

[គោលធម៌ស្រង់ចាក ទសុត្តរសូត្រ]

Advertisements

2 responses to “សារាណិយធម៌

  1. អរគុណលោកប្អូនពិសិដ្ធដែលបាន​ចំណាយពេលវេលាចែករំលែកធម៍ដ៏ត្រចះត្រចង់នេះ។សូមអោយប្អូនបន្តនូវការងារដ៏ប្រពៃនេះអោយបានយូរអង្វែងតទៅមុខ។
    សូមអរគុណ។

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s