ចំណេះដឹងពិតគឺជាអ្វី ?

ចំណេះដឹងពិតប្រាកដជាអ្វី ?

 

១. អ្នកខ្លះអួតថាខ្លួនជាអ្នកប្រាជ្ញ ព្រោះមានអំណាចគ្រប់គ្រងផែនដី

ធ្វើឲ្យរាស្រ្តព្រួយកើតទុក្ខរីងរៃ ឥតត្រាប្រណីកាន់ចិត្តផ្តាច់ការ ។

២. អ្នកខ្លះយល់ថាខ្លួនជាអ្នកប្រាជ្ញ ប្រើចិត្តកោងកាចបំពេញកិច្ចការ

មិនចេះយោគយល់ដល់លោកអ្នកណា ព្រោះតែគិតថាខ្លួនអស្ចារ្យណាស់ !

 

៣. អ្នកខ្លះគិតថាខ្លួនជាអ្នកប្រាជ្ញ មិនចេះកោតខ្លាចដល់ព្រះជាម្ចាស់

ព្រោះយល់ថាខ្លួនចេះដឹងច្រើនណាស់ ទោះព្រះជាម្ចាស់ក៏មិនស្មើឡើយ !

៤. អ្នកខ្លះជឿថាខ្លួនជាអ្នកប្រាជ្ញ ធ្វើឫកអង់អាចព្រងើយកន្តើយ

ប្រមាថមាក់ងាយមនុស្សទន់ខ្សោយ ឲ្យរងទុក្ខហើយឈឺចិត្តពេកក្រៃ !

 

៥. ឱលោកអ្នកអើយកុំគិតយ៉ាងនេះ សូមកុំប្រហែសកាន់ចិត្តអប្រិយ

ធ្វើបាបអ្នកផ្សេងឃោរឃៅឥតន័យ សូមចេះប្រណីដល់មនុស្សជាតិផង !

៦. សូមកុំមាក់ងាយប្រមាថគ្នាឡើយ សូមកុំកន្តើយជួយមនុស្សទាំងពួង

ឲ្យបានដល់ត្រើយក្តីសុខឥតហ្មង ទើបត្រូវគន្លងនៃអ្នកប្រាជ្ញពិត !

 

៧. ហើយខ្ញុំបានឮព្រះពុទ្ធដីកា លោកបង្រៀនថាចំណេះពិសិដ្ឋ

គឺជាការចេះដឹងពិតក្នុងចិត្ត ធ្វើឲ្យមានពិតចិត្តឧបេក្ខា !

៨. ចិត្តឧបេក្ខានឹងជួយឲ្យបាន មានក្តីសុខសាន្តនៅក្នុងចិន្តា

ឲ្យយើងមានធម៌មេត្តាករុណា ចិត្តមុទិតានឹងមនុស្សគ្រប់ប្រាណ !

 

៩. ព្រោះចំណេះពិតធ្វើឲ្យរូបយើង មានក្តីរុងរឿងលុះថ្ងៃអវសាន

ចេះជួយសង្រ្គោះញាតិមិត្តសន្តាន ឲ្យបានសុខសាន្តដូចរូបយើងដែរ !

១០. ចំណេះដឹងពិតនាំឲ្យយើងមាន ចិត្តល្អក្លាហានចេះស្រឡាញ់ខ្មែរ

ស្រឡាញ់ញាតិមិត្តមិនចេះកែប្រែ អ្នកក្រុងអ្នកស្រែដោយចិត្តសុភាព !

 

១1. ដូច្នេះសូមកុំនឹកចង់ប្រមាថ ធ្វើចិត្តឲ្យស្អាតឲ្យល្អថែមទៀត

ដើម្បីឲ្យក្តីសុខសន្តិភាព រីកឡើងច្រើនទៀតក្នុងដួងចិត្តយើង !

 

BY  Khemara Both

Advertisements

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s