សុចរិត ៣ យ៉ាង ៖
១-កាយសុចរិត មាននូវសុចរិតផ្លូវកាយ មានការប្រព្រឹត្តប្រាសចាកទោស
ទាំងឡាយ មានកាយសង្រួមដោយ ប្រពៃ វៀរចាកការសម្លាប់សត្វ វៀរចាក
ការលួចប្លន់កេងប្រវញ្ចន៍ឆបោក វៀរចាកការប្រព្រឹត្ត មិច្ឆាចារក្នុងកាមគុណទាំងឡាយ សមាទានប្រព្រឹត្តឱ្យស្អាតផ្លូវកាយ ប្រៀបបីដូចជាប្រដាប់ ទៅដោយអលង្ការ។
២- វិចីសុចរិត មាននូវសុចរិតផ្លូវវាចា មានសម្តីប្រៀបបីដូចផ្កា មានវាចាសង្រូម
ដោយប្រពៃ វៀរចាកសម្តីលាមក(គូថភាណី)គឺការនិយាយកុហក ការនិយាយញុះញង់ ការនិយាយទ្រគោះ បោះបោក ការនិយាយរោយរាយឥតប្រយោជន៍ សមាទានជំនួសមកវិញនូវពាក្យពីរោះពិសាជាវាចា ប្រៀបបីដូចជាទឹកឃ្មុំ(មធុភាណី)។
៣- មនោសុចរិត មាននូវសុចរិតផ្លូវចិត្ត មិនល្មោភ មិនរំពៃ
មិនគិតរកផ្លូវដើម្បីឱ្យបានរបស់អ្នក ដទៃ មានតែគិតពីការឱ្យដើម្បីជួយសង្គ្រោះ
គិតអំពីការបរិច្ចាគទ្រព្យសម្បត្តិដើម្បីធ្វើជាទាន អប់រំចិត្ត ឱ្យ ទូលាយក្នុងការលះបង់
និងមិនគិតបៀតបៀន មិនគិតព្យាបាទដល់អ្នកដទៃ មានសេចក្តីប្រាថ្នាល្អ
ប្រកបដោយមេត្តាករុណា សំដៅទៅរកប្រយោជន៍សុខឱ្យដល់គ្នានឹងគ្នា
និងម៉្យាងទៀត មានការ ឃើញត្រូវជាសម្មាទិដ្ឋិ យល់ច្បាស់ក្នុងច្បាប់របស់កម្មថា
ធ្វើល្អបានផលល្អ ធ្វើអាក្រក់បានផល អាក្រក់ មានការឃើញត្រូវនៅក្នុងគុណទោស
ហើយនិង យល់ច្បាស់អំពីច្បាប់ធម្មជាតិ ទៅតាម ហេតុផល។
សូមអរព្រះគុណ
តំណក់នៃក្ដីសង្ឃឹម 